Category: Activities

दिनांक २२ ते २५ ऑक्टोबर या काळात शिक्षिका सक्षमीकरणासाठी वेगवेगळ्या विषयांवर कार्यशाळा आयोजित करण्यात  आल्या . यातील डॉ नितीन ओक यांनी वाचन कसे करावे या विषयावर सर्वांना मार्गदर्शन केले.

‘शैक्षणिक कार्यामध्ये स्वयंप्रेरणेने ज्ञानाची अद्यवतता साधने ‘ कसे सहज शक्य आहे या विषयावर प्रसिद्ध विचारवंत व प्रखर वक्ते श्री विवेकजी घळसासी यांनी शिक्षिकांना नवीन दिशा दिली.

क्षेत्रभेट –  विद्यार्थ्यांच्या सर्वांगीण विकासाकरिता विविध ठिकाणी क्षेत्रभेटीचे आयोजन करण्यात आले होते , त्यातून दैनंदिन व्यवहारातील अनुभव त्यांनी घेतले २३. अकोला जिल्हा गणित अध्यापक मंडळातर्फे आयोजित गणित संबोध परीक्षेत शाळेतील विद्यार्थ्यांनी घवघवीत यश संपादन केले.

भारताचे ११ वे राष्ट्रपती डॉ ए पी जे अब्दुल कलाम यांच्या जन्मदिनानिमित्त देशभरात साजरा होणाऱ्या वाचन प्रेरणा दिनाला शाळेतील विद्यार्थ्यांनी वाचन करून त्यांना आदरांजली वाहिली . त्याचे औचित्य साधून दिनांक १७ ते २२ ऑक्टोबर या काळात पालकांसाठी विशेष ग्रंथ प्रदर्शनीचे आयोजन केल्या गेले. तसेच जिल्हाधिकारी कार्यालयात झालेल्या कार्यक्रमासाठी  शाळेतील शिक्षिका मेधा क्षीरसागर यांना   वाचनासाठी आमंत्रित केल्या गेले .

२ ऑक्टोबर २०१६ रोजी महात्मा गांधी व लाल बहादूर शास्त्री या महामानवांची जयंती साजरी करण्यात आली. तसेच त्या निमित्त बाबूजी देशमुख वाचनालया तर्फे आयोजित वक्तृत्व स्पर्धेत सानिका देशमुख हिने प्रथम क्रमांक पटकावला. वन्यजीव विभाग अकोला तर्फे आयोजित चित्रकला स्पर्धेतही आपल्या शाळेने तीनही गटात बाजी मारली.

गणेशोत्सवा निमित्त ७ सप्टेंबर २०१६ रोजी गणपती अथर्वशीर्षाचे सामुहिक पंचशत सहस्त्रावर्तन पठण करण्यात आले .