Category: Activities

संस्कृत या विषयाची गोडी निर्माण व्हावी व वृद्धिंगत व्हावी  यासाठी दिनांक १८ ऑगस्ट२०१६ रोजी संस्कृत  दिन उत्साहात साजरा करण्यात आला.

स्वातंत्रदिन: या वर्षी पासून माध्यमिक शालांत परीक्षेत शाळेतून प्रथम येणाऱ्या विध्यार्थ्याच्या हस्ते ध्वजारोहण करण्याचे शाळेने ठरविले . आणि या अभिनव कल्पनेला मूर्त रूप देऊन जान्हवी अविनाश बोर्डे  माध्यमिक शालांत परीक्षेत शाळेतून प्रथम आलेल्या  विद्यार्थिनीच्या हस्ते ध्वजारोहण करण्यात आले. तसेच लायन्स क्लब अकोला व इंडियन मेडिकल असोसिएशन अकोला तर्फे घेण्यात आलेल्या देशभक्तीपर गीत गायन स्पर्धेतही यश प्राप्त केले .

कौतुक सोहळा : दिनांक १३ ऑगस्ट २०१६  रोजी  आमदार रणधीर सावरकर, शिक्षक आमदार श्रीकांतजी देशपांडे , माध्यमिक शिक्षण विभाग अकोला चे शिक्षणाधिकारी श्री प्रकाशजी मुकुंद व प्रसिध्द समुपदेशक श्री मनोज केळकर मुंबई यांचे उपस्थितीत माध्यमिक शालांत परीक्षेत घवघवीत यश प्राप्त शाळेतील विद्यार्थ्यांचे कौतुक करण्यासाठी ‘कौतुक सोहळ्याचे ‘ विशेष आयोजन  करण्यात आले . या प्रसंगी मनोजजी केळकर यांनी विध्यार्थ्यांना ‘शिकण्यातील आनंद ‘ या विषयी मार्गदर्शन केले

कराटे स्पर्धेत  राष्ट्रीयस्तरावर  घवघवीत यश : सुमित गिरी याने सिल्व्हर मेडल तर आदित्य शास्त्री याला ब्रौंझ मेडल प्राप्त केले. २९ ऑगस्ट २०१६ रोजी क्रीडा दिनानिमित्त  क्रीडा विभागातर्फे स्मृतीचिंन्ह देऊन गौरव करण्यात आला.

व्याख्यान: दिनांक ५ ऑगस्ट २०१६ रोजी  श्री मुकुलजी  कानिटकर (भारतीय शिक्षण मंडळ अ .भा .सह  संगठन  मंत्री)  यांचे  ‘आजच्या विद्यार्थ्यासमोर्रील श्रद्धास्थाने ‘  या विषयावर   व्याख्यान आयोजित केले होते .