🙏🌺अथर्वशीर्षाचे पंचसहस्त्रावर्तन; बाल शिवाजी शाळेत भक्ती-संस्कारांचा मंगलमय संगम! 🙏🌺

कोला | दि. १५ सप्टेंबर २०२६
गणेशोत्सवाचे औचित्य साधून ब्राह्मण सभा अंतर्गत बाल शिवाजी शाळेत अथर्वशीर्षाचे पंचसहस्त्रावर्तन भक्तिमय वातावरणात संपन्न झाले. विद्यार्थ्यांमध्ये संस्कार, शिस्त आणि अध्यात्मिक मूल्यांची रुजवणूक व्हावी, या उद्देशाने दरवर्षी शाळेत अथर्वशीर्षाचे सामूहिक पठण आयोजित केले जाते.
🕉️ यावर्षी तब्बल १,००० विद्यार्थ्यांनी शिस्तबद्ध पद्धतीने अथर्वशीर्षाचे ५,००० आवर्तन केले. गणपती बाप्पाच्या चरणी श्रद्धा अर्पण करत विद्यार्थ्यांनी उत्स्फूर्त सहभाग नोंदविला. वेदपठणाच्या वातावरणामुळे संपूर्ण शाळा परिसर भक्तिरसात न्हाऊन निघाला.
🌼 कार्यक्रमाची सुरुवात संस्थेचे उपाध्यक्ष मा. श्री. नरेंद्र पाठक, सचिव मा. श्री. मोहन गद्रे, कार्यकारिणी सदस्या मा. सौ. वैजयंती पाठक, मुख्याध्यापिका सौ. संगीता जळमकर, सौ. कीर्ती चोपडे, शिक्षकवृंद व पालकवर्ग यांच्या उपस्थितीत श्री गणेशपूजनाने झाली.
📿 पूजनानंतर विद्यार्थ्यांसह शिक्षक व शिक्षकेतर कर्मचाऱ्यांनी सामूहिक अथर्वशीर्ष पठण केले. ‘बुद्धीचे आराध्यदैवत’ असलेल्या श्री गणेशाच्या उपासनेतून विद्यार्थ्यांना श्रद्धा, सकारात्मकता, एकाग्रता आणि संस्कारांचा संदेश देण्यात आला.
🎤 कार्यक्रमाचे सूत्रसंचालन शिक्षिका शुभांगी तिडके यांनी केले. पंचसहस्त्रावर्तनानंतर श्री गणेशाची आरती व मंत्रपुष्पांजली अर्पण करून कार्यक्रमाची सांगता करण्यात आली.
🔔 “गणपती बाप्पा मोरया!” या जयघोषाने संपूर्ण परिसर दुमदुमून गेला आणि भक्तिमय वातावरण अधिकच उत्साहपूर्ण झाले.
✨ भक्ती • संस्कार • शिस्त • एकाग्रता ✨