बाल शिवाजी माध्यमिक शाळेत वर्ग १० वी च्या विद्यार्थ्यांचा निरोप समारंभ उत्साहात साजरा 

स्थानिक जठारपेठ स्थित बाल शिवाजी माध्यमिक शाळेत वर्ग दहावीच्या विद्यार्थ्यांसाठी निरोप समारंभाचे आयोजन करण्यात आले होते. कार्यक्रमाच्या अध्यक्षस्थानी वर्ग 9 क मधील विद्यार्थिनी कु. भक्ती मनीष मेन  ही होती तर प्रमुख अतिथी म्हणून संस्थेचे सहसचिव तथा Professional Computer Institute च्या संचालिका सौ. वैशाली देशपांडे उपस्थित होत्या. दीपप्रज्वलनाने व सरस्वती पूजनाने कार्यक्रमाची सुरुवात करण्यात आली. याप्रसंगी वर्ग 9 मधील चि.अभिषेक विनायक धुळे याने वर्ग 10 च्या विद्यार्थ्यांना  शुभेच्छा देऊन आपले मनोगत व्यक्त केले. वर्ग 10 च्या कु. वैभवी सचिन पंत व चि.कार्तिक हिराळकर  या विद्यार्थ्यांनी शाळेप्रति आपल्या भावना मनोगताद्वारे व्यक्त केल्या. कार्यक्रमाचे अध्यक्ष भक्ति मेन हिने सुद्धा शाळेप्रति आपली जबाबदारी व आपल्या अध्यक्षीय भाषणातून व्यक्त केली सौ. वैशाली देशपांडे मॅडम व माध्यमिक शाळेच्या मुख्याध्यापिका सौ. संगिता जळमकर यांनी सुद्धा विद्यार्थ्यांना मार्गदर्शन करुन परीक्षेसाठी शुभेच्छा दिल्या कार्यक्रमाचे संचालन कु. ज्ञानेश्वरी धनंजय झापे हिने केले कार्यक्रमाची सांगता एकात्मता मंत्राने करण्यात आली.  सर्व शिक्षकांच्या वतीने शिक्षिका सौ. अपेक्षा आवळे यांनी विद्यार्थ्यांना परीक्षेसाठी शुभेच्छा दिल्या. 

संस्थेचे अध्यक्ष श्री. अविनाश देव, संस्थेचे सचिव श्री.मोहन गद्रे, कार्यकारिणी सदस्य सौ. अनघाताई देव, शाळा समिती सदस्य  बाल शिवाजी प्राथमिक शाळेच्या  मुख्याध्यापिका  सौ. किर्ती चोपडे तसेच सर्व शिक्षिकांनी विद्यार्थ्यांना शुभाशिष दिले. वर्ग १० वीच्या सर्व  विद्यार्थ्यांना शालेय साहित्य भेट म्हणून देण्यात आले.  सर्वांनी अल्पोपाहाराचा आस्वाद घेतला.