बाल शिवाजी शाळेचे विद्यार्थी राष्ट्रीय प्रज्ञा शोध शिष्यवृत्ती करीता पात्र
बाल शिवाजी माध्यमिक शाळेतील सत्र २०१८-१९ मध्ये वर्ग १० चे प्रज्वल जगन्नाथ घोगले आणि हर्षल अमर गजभिये हे विद्यार्थी राष्ट्रीय प्रज्ञा शोध परीक्षेत शिष्यवृत्ती करीता पात्र ठरले आहेत. या प्रज्ञावंत विद्यार्थ्यांचा गुणगौरव सोहळा बुधवार दिनांक १७-१२-२०२० रोजी शिक्षणाधिकारी कार्यालयात पार पडला. याप्रसंगी शिक्षणाधिकारी (माध्यमिक) माननीय श्री. प्रकाश मुकुंद सर यांच्या शुभहस्ते प्रज्ञावंत विद्यार्थ्यांचा सत्कार करण्यात आला. या कार्यक्रमाचे थेट प्रक्षेपण यूट्यूब चॅनेल वर प्रसारित करण्यात आले. माननीय महोदयांनी विद्यार्थ्यांना पुढील वाटचालीस शुभेच्छा दिल्या. यशस्वी विद्यार्थ्यांचे संस्थेचे अध्यक्ष श्री.अविनाश देव,सचिव श्री.मोहन गद्रे,कार्यकारिणी सदस्य सौ.अनघा देव,शाळा समिती सदस्य,बाल शिवाजी माध्यमिक शाळेच्या मुख्याध्यापिका सौ.संगिता जळमकर,बाल शिवाजी प्राथमिक शाळेच्या मुख्याध्यापिका सौ.किर्ती चोपडे, सर्व शिक्षिका,कर्मचारी वृंद यांनी अभिनंदन केले.
