महाराष्ट्र टॅलेंट सर्च परीक्षेत बाल शिवाजी शाळेचे सुयश…..

स्थानिक जठारपेठ स्थित बाल शिवाजी प्राथमिक शाळेच्या विद्यार्थ्यांनी महाराष्ट्र टॅलेंट सर्च परीक्षेत घवघवीत यश संपादन केले आहे. महाराष्ट्र टॅलेंट सर्च जळगाव तर्फे घेण्यात आलेल्या महाराष्ट्र प्रज्ञाशोध परीक्षेत तीन विद्यार्थ्यांनी जिल्हा गुणवत्ता यादीत स्थान पटकाविले आहे. वर्ग ४ च्या गार्गी आशुआल्हाद भावसार हिने २ रे स्थान,वर्ग ७ च्या नमस्वी नारायण शेगोकार हिने ३ रे तर वर्ग ६च्या मधुरा प्रदीप किडीले हिने जिल्हा गुणवत्ता यादीत ४ थे स्थान पटकावले आहे.
सर्व यशस्वी विद्यार्थ्यांचे संस्थेचे अध्यक्ष श्री.अविनाश देव,सचिव श्री.मोहन गद्रे,कार्यकारिणी सदस्या सौ.अनघा देव,शाळा समिती सदस्य,मुख्याध्यापिका सौ.शोभा अग्रवाल,सौ.किर्ती चोपडे,सौ.संगिता जळमकर,सौ.भारती कुळकर्णी,सर्व शिक्षिका,कर्मचारी वृंद यांनी अभिनंदन केले.