मानांकन बुद्धिबळ स्पर्धेत साहिल कुलकर्णी व यशवंत तेलंग प्रथम 

स्व. अण्णासाहेब देव स्मृतीप्रित्यर्थ आयोजित मानांकन बुद्धिबळ स्पर्धेत साहिल कुलकर्णी व यशवंत तेलंग यांनी प्रथम स्थान पटकावले. रविवार दि. १२ जानेवारी २०१७रोजी स्व. अण्णासाहेब देव सभागृहामध्ये ब्राह्मणसभा व अकोला महानगर डिस्ट्रीक्ट चेस असोसिएशन यांच्या संयुक्त विद्यमाने रँकींग चेस टुर्नामेंटचे आयोजन करण्यात आले.

ही मानांकन स्पर्धा १ते५ चा अ गट व ६ते१० चा ब गट अश्या दोन गटात घेण्यात आली.यामध्ये विविध शाळांचे ५७ विद्यार्थी सहभागी झाले होते.यावेळी ब्राह्मण सभेचे अध्यक्ष श्री. अविनाश देव,संघटनेचे सचिव श्री. जितेंद्र अग्रवाल व परिक्षक श्रीधर कौसल उपस्थित होते.

ब्राह्मण सभेच्या वतीने २१ वर्षांपासून बुद्धिबळ खेळ स्पर्धेचे आयोजन करण्यात येते. स्पर्धेचे हे २२ वे वर्ष आहे. गत चार वर्षांपासून ही स्पर्धा मानांकन बुद्धिबळ स्पर्धा म्हणून घेण्यात येत आहे.

अ  गटातून प्रथम साहिल कुलकर्णी, व्दितीय रोहिणी तेलंग, तृतीय आशुतोष वाघ ब गटातून यशवंत तेलंग प्रथम, सानिका तेलंग व्दितीय, गणेश वाघ तृतीय आलेत. पुरस्कार  प्राप्त प्रथम आलेल्या खेळाडूला १०००रुपये, व्दितीय ५००रुपये, तृतीय आलेल्या खेळाडूला ३००रुपयाचे पारितोषिके ब्राह्मण सभेचे अध्यक्ष श्री अविनाश देव यांच्या हस्ते प्रदान करण्यात आली. यावेळी शाळेच्या मुख्याध्यापिका शोभा अग्रवाल, कीर्ती,चोपडे, संगीता जळमकर उपस्थित होत्या. कार्यक्रमाचे संचालन सौ भारती कुलकर्णी यांनी केले. आभार क्रीडा शिक्षक खुशाल डोंगरे यांनी मानले.