बाल शिवाजी स्कूल जठारपेठ अकोला, महाराष्ट्र बुद्धिबळ स्पर्धेमध्ये विद्यार्थ्यांचीराज्यस्तरावर निवड…

महाराष्ट्र बुद्धिबळ संघटनेची संलग्न असलेली अकोला महानगर डिस्ट्रिक्ट चेस असोसिएशन व प्रभात किड्स  स्कूल यांच्या संयुक्त विद्यमाने दिनांक 20 व 21 जुलै 2024 रोजी प्रभात किड्स  स्कूल पातुर रोड अकोला येथे विविध गटातील मुला-मुलींचे राज्यस्तरीय बुद्धिबळ निवड चाचणी स्पर्धेचे आयोजन केले होते, त्या स्पर्धेमध्ये बाल शिवाजी शाळेच्या विद्यार्थ्यांनी आपला सहभाग नोंदविला व त्यामध्ये वर्ग ४ मधील जान्हवी प्रकाश रेवस्कर हिने जिल्हास्तरीय द्वितीय क्रमांक प्राप्त केला असून तिची राज्यस्तरासाठी निवड झाली आहे व वर्ग 7 वी चा विद्यार्थी स्वराज देवानंद मोरे यानेही द्वितीय क्रमांक प्राप्त केला असून याची देखील राज्यस्तरासाठी निवड झाली आहे. तसेच शिवराय अनिल भातखेडे (वर्ग 2 रा) याने जिल्ह्यातून तृतीय क्रमांक तर वरद राजेंद्र कवडे (वर्ग 9 वा ) याने जिल्ह्यातून पाचवा क्रमांक प्राप्त केला आहे. सर्व यशस्वी  विद्यार्थ्यांचे कौतुक संस्थेचे अध्यक्ष मा. श्री. अविनाश देव, संस्थेचे सचिव श्री. विश्वनाथ गद्रे, कार्यकारिणी सदस्य सौ. अनघाताई देव, ब्राह्मण सभा कार्यकारिणी सदस्य, सर्व शाळा सदस्य,  माध्यमिक शाळेच्या मुख्याध्यापिका सौ. संगीता जळमकर,  प्राथमिक शाळेच्या मुख्याध्यापिका सौ. कीर्ती चोपडे व शाळेतील सर्व शिक्षिका व शिक्षकेतर कर्मचारी यांनी केले. तसेच  पुढील वाटचालीसाठी शुभेच्छा शुभेच्छा दिल्या.