बाल शिवाजी शाळेची आस्था वक्तृत्व स्पर्धेत प्रथम

तुळसाबाई कावल माध्यमिक व उच्च माध्यमिक विद्यालय, पातूर येथे जिल्हास्तरीय इंग्रजी वक्तृत्व  स्पर्धा आयोजित करण्यात आली होती.  या स्पर्धेत एकूण २३ शाळांचे विद्यार्थी सहभागी झाले होते. स्पर्धेचा विषय  ‘Increasing stress on students – Responsible factors and their solutions’ हा होता. बाल शिवाजी माध्यमिक शाळेतील आस्था राकेशसिंह बैस च्या वर्ग ८ च्या विद्यार्थिनीने अत्यंत उत्कृष्ट सादरीकरण करून स्पर्धेत प्रथम क्रमांक पटकाविला. तिला रोख पारितोषिक व स्मृतिचिन्ह तसेच शाळेला फिरती ढाल प्रदान करण्यात आली आहे. स्पर्धेचे परीक्षण श्री. ठाकरे, श्री. अंधारे, श्री. गहलोत यांनी केले. आस्थाने  मिळविलेल्या या यशाबद्दल  संस्थेचे अध्यक्ष श्री.अविनाश देव, संस्थेचे सचिव श्री. मोहन गद्रे, संस्थेच्या कार्यकारिणी सदस्य सौ.अनघाताई  देव, माध्यमिक शाळेच्या मुख्याध्यापिका सौ. संगीता जळमकर, प्राथमिक शाळेच्या मुख्याध्यापिका सौ. किर्ती चोपडे,सौ. भारती कुळकर्णी, शिक्षक वृंद  व कर्मचारी यांनी तिचे कौतुक केले आहे.