बाल शिवाजी माध्यमिक शाळेच्या शिक्षिका राज्यस्तरीय निबंध स्पर्धेत यशस्वी
इतिहास शिक्षक महामंडळ, महाराष्ट्र तर्फे संस्थेच्या सुवर्णमहोत्सवी वर्षानिमित्त शिक्षकांसाठी आयोजित राज्यस्तरीय निबंध स्पर्धेत बाल शिवाजी माध्यमिक शाळेच्या शिक्षिका सौ. अपेक्षा योगेश आवळे यांना तृतीय क्रमांकाचे पारितोषिक प्राप्त झाले आहे. ”कोविड काळातील माझे इतिहास अध्यापन” या विषयावर अत्यंत प्रभावीपणे लिखाण करून त्यांनी तृतीय क्रमांकाचा डॉ.अ.रा.कुळकर्णी पुरस्कार पटकाविला. त्यांना शाल, प्रमाणपत्र, रोख पारितोषिक देऊन गौरविण्यात आले.
त्यांनी मिळविलेल्या यशाबद्दल शाळेचे अध्यक्ष श्री.अविनाश देव, सचिव श्री. मोहन गद्रे ,शाळा समिती सदस्य सौ. अनघाताई देव , तसेच सर्व शाळा समिती सदस्य, बाल शिवाजी माध्यमिक शाळेच्या मुख्याध्यापिका सौ.संगीता जळमकर, बाल शिवाजी प्राथमिक शाळेच्या मुख्याध्यापिका सौ.कीर्ती चोपडे तसेच सर्व शिक्षिका, सर्व कर्मचारी यांनी त्यांचे अभिनंदन केले आहे.
