बाल शिवाजी शाळेत राष्ट्रीय गणित दिन उत्साहात साजरा

स्थानिक जठारपेठ स्थित  बाल शिवाजी शाळेत 22 डिसेंबर रोजी राष्ट्रीय गणित दिन मोठ्या उत्साहात साजरा करण्यात आला.  थोर भारतीय गणित तज्ञ श्रीनिवास रामानुजन यांच्या गणिताच्या क्षेत्रातील अनमोल योगदानाचे स्मरण करण्यासाठी 22 डिसेंबर हा दिवस राष्ट्रीय गणित दिवस म्हणून सर्वत्र साजरा करण्यात येतो.  गणिताचे महत्त्व समजणे व गणिताविषयी विद्यार्थ्यांमध्ये आवड व कुतूहल निर्माण होण्यासाठी शाळेत विविध उपक्रम घेण्यात आले. वर्ग १ ते २ च्या विद्यार्थ्यांनी विविध गणितीय खेळ, खेळणी व  गणितीय आकृत्यांचे प्रदर्शन भरविले. वर्ग ५ ते ९ च्या विद्यार्थ्यांनी गणितावर आधारित चार्ट सादरीकरण, गणितीय रांगोळी व  गणिताच्या प्रतिकृती सादर केल्या. वर्ग ४, ५ व १० च्या सर्व विद्यार्थ्यांसाठी गणितीय प्रश्नमंजूषा आयोजित करण्यात आली. वर्गावर्गात शिक्षिकांनी  थोर भारतीय गणित तज्ञ श्रीनिवास रामानुजन  यांचे गणितातील योगदानाचे महत्त्व  विद्यार्थ्यांना सांगितले.      

या प्रसंगी संस्थेचे अध्यक्ष मा.श्री.अविनाश देव, संस्थेचे कार्यकारिणी सदस्य सौ.अनघाताई देव यांनी प्रदर्शनिला भेट दिली. प्राथमिक शाळेच्या  मुख्याध्यापिका सौ.कीर्ती चोपडे, माध्यमिक शाळेच्या मुख्याध्यापिका सौ.संगीता जळमकर व शाळेतील सर्व शिक्षिका व शिक्षकेत्तर कर्मचारी यांनी विद्यार्थ्यांचे कौतुक केले.