बाल वारकरी रंगले विठ्ठल नामाच्या गजरात…….  

स्थानिक जठारपेठ स्थित बाल शिवाजी शाळेत ‘आषाढी एकादशी ‘ निमित्त कार्यक्रमाचे आयोजन करण्यात आले होते. वर्ग ३ रीच्या दोन विद्यार्थ्यांनी विठ्ठलाची वेशभूषा शौर्य कुणाल गुंजाळ याने आणि रखुमाईची वेशभूषा श्रावणी शैलेश कोतवाल हिने केली तर इतर विद्यार्थी वारकऱ्यांच्या वेशभूषा करून आले होते. शाळेच्या पटांगणात ‘जय जय विठ्ठल जय हरी विठ्ठल’ या गजरात टाळ वाजवत विद्यार्थ्यांनी दिंडी काढली.वर्गावर्गातून ‘आषाढी एकादशीचा’कार्यक्रम सादर करण्यात आला. यावेळी विद्यार्थ्यांनी गाणी,गोष्टी, अभंग, भारुडे सादर केली. कार्यक्रमात सर्व शिक्षिका सुद्धा उत्साहाने सहभागी झाल्या व विद्यार्थ्यांना आषाढी एकादशीचे महत्त्व सांगितले. 

याप्रसंगी बाल शिवाजी प्राथमिक शाळेच्या मुख्याध्यापिका सौ. कीर्ती चोपडे, बाल शिवाजी माध्यमिक शाळेच्या मुख्याध्यापिका सौ.संगीता जळमकर, शाळेतील शिक्षिका व कर्मचारी यांचा सहभागी झाले होते.