डॉ. होमी भाभा बाल वैज्ञानिक स्पर्धेमध्ये बाल शिवाजी शाळेच्या विद्यार्थ्यांचे सुयश
मुंबई विज्ञान अध्यापक मंडळातर्फे दरवर्षी डॉ. होमी भाभा बाल वैज्ञानिक स्पर्धा वर्ग ६ व ९ साठी घेण्यात येते. ही परीक्षा लेखी, प्रात्यक्षिक व प्रकल्प सादरीकरण अशा तीन स्तरावर घेण्यात येते. डॉ. होमी भाभा बाल वैज्ञानिक स्पर्धा २०२२-२३ मध्ये बाल शिवाजी शाळेच्या विद्यार्थ्यांनी उत्तम यश संपादन केले आहे.
या स्पर्धेच्या प्रात्यक्षिक परीक्षेच्या दुसऱ्या फेरीसाठी वर्ग ६ वी ची राजस्वी नारायण शेगोकार, आदिनाथ श्रीप्रसाद पुसेगांवकर तसेच वर्ग ९ ची संस्कृती विनायक पाठक, मृदुला अविनाश देशमुख, सानिका प्रशांत उकंडे, संदेश ज्ञानेश्वर खडसे, रुजुता रमण घोगरे, अदिती ज्ञानेश्वर तराळे, राघवेंद्र शिवाजीराव देशमुख या विद्यार्थ्यांची निवड झालेली आहे. प्रात्यक्षिक परीक्षा १५ जानेवारी २०२३ रोजी वर्धा येथे होत आहे.
विद्यार्थ्यांनी मिळविलेल्या या यशाबद्दल संस्थेचे अध्यक्ष श्री.अविनाश देव, संस्थेचे सचिव श्री. मोहन गद्रे, संस्थेच्या कार्यकारिणी सदस्य सौ.अनघाताई देव, प्राथमिक शाळेच्या मुख्याध्यापिका सौ. किर्ती चोपडे, माध्यमिक शाळेच्या मुख्याध्यापिका सौ. संगीता जळमकर, शिक्षक वृंद व कर्मचारी यांनी कौतुक केले आहे. तसेच दुसऱ्या फेरीकरिता शुभेच्छा दिल्या आहेत.
