आंतरशालेय वादविवाद स्पर्धेत बाल शिवाजी शाळा प्रथम 

आंतरशालेय वादविवाद स्पर्धेचा विषय होता ‘सोशल मिडीया विद्यार्थ्यांचे व्यक्तिमत्त्व घडविण्यासाठी आवश्यक आहे’.या स्पर्धेला परीक्षक म्हणून मा.प्रा.श्री.गजानन मालोकार सर आणि मा.प्रा.श्री.दिपक दामोदरे सर लाभले होते. पाहुण्यांचे स्वागत  शाळेचे अध्यक्ष श्री.अविनाश देव व सचिव श्री. गद्रे सर यांनी केले. अकोल्यातील विविध शाळांनी या स्पर्धेत सहभाग घेतला होता.

सर्वप्रथम शाळेचे संस्थापक कै. अण्णासाहेब देव यांच्या प्रतिमेचे पूजन मा.अतिथींच्या हस्ते करण्यात आले.त्यानंतर शाळेचे विद्यमान अध्यक्ष श्री.अविनाश देव यांनी कार्यक्रमाचे प्रास्ताविक केले. तदनंतर स्पर्धेला सुरुवात करण्यात आली. स्पर्धेत स्पर्धकांनी विषयाच्या बाजूने आणि विषयाच्या विरुद्ध बाजूने आपली मते मांडली.

यामध्ये बाल शिवाजी माध्यमिक शाळेच्या सानिका सुनील देशमुख आणि मानसी अरुण राऊत यांच्या चमूने प्रथम क्रमांकाचे पारितोषिक पटकावले.तर व्दितीय पारितोषिक कोठारी कॉन्व्हेंटच्या इशिता पराग चिंचोळकर व गोविंद प्रदीप वनारसे यांच्या चमूने मिळविले.स्कूल ऑफ स्कॉलर्सच्या नेत्रा कुळकर्णी व मानसी कुळकर्णी यांच्या चमूला उत्तेजनार्थ पारितोषिक देण्यात आले.स्पर्धेतील उत्कृष्ट वक्ता म्हणून पूर्वा चंद्रशेखर चतारे व सानिका सुनील देशमुख यांना गौरविण्यात आले.

या नंतर कै. अण्णासाहेब देव यांच्या स्मृती प्रित्यर्थ वर्गवार घेतलेल्या वादविवाद स्पर्धेत प्रथम आलेल्या विद्यार्थ्यांना मान्यवरांच्या हस्ते पारितोषिके देण्यात आली.यामध्ये ख़ुशी नितीन मोहोड,पूर्वजा सुनील ठाकरे,आस्था अभय अग्रवाल,मानसी अरुण राऊत,सानिका सुनील देशमुख,यशराज प्रमोद तायडे या विद्यार्थ्यांचा समावेश आहे.

या स्पर्धेला शाळेचे अध्यक्ष मा.श्री.अविनाश देव,शाळेचे सचिव श्री.गद्रे सर,शाळेच्या कार्यकारिणी सदस्या सौ.अनघा देव,शाळासमिती सदस्य,शाळेच्या मुख्याध्यापिका,वरिष्ठ वर्ग,शिक्षिका,पालकवर्ग उपस्थित होता.

कार्यक्रमाचे सूत्रसंचालन शाळेच्या शिक्षिका सौ.रश्मी जोशी यांनी केले.कार्यक्रमाची सांगता एकात्मता मंत्राने करण्यात आली.